Zuregatik egin dezakegun guztia

Bideoarekiko dugun grina zuzenekoarekiko grinarekin partekatzen dugu. Horregatik gozatzen dugu ekitaldiak grabatzen: antzerkia, kontzertuak, musika klasikoa, dantza, jaialdiak… Han egon nahiko genuke, eta promoziorako, salmentarako edo artxiborako balioko dizun produktu bat eskaini.

Kontzertuak maite ditugu. Badakigu zenbat esfortzu eskatzen duen horiek antolatzeak, entseatzeak eta aurrera ateratzeak. Ez litzateke zoragarria izango esfortzu hori guztia grabatuta edukitzea? Material hori amu ona izango da etorkizuneko kontzertu eta kontratuetarako.

Zure enpresaren webean eta sareetan edukia eskaini nahi duzu, eta badakizu bideoak hobeto iristen dela? Sare, web eta aurkezpenetarako prestatutako eta optimizatutako bideo laburrak. Esaiguzu zer nahi duzun, eta hainbat proposamen prestatuko dizkizugu.

Ezkontza bat grabatzeak familia batek bizi dezakeen egun handienetako batean sartzeko aukera ematen digu. Emozioak azalean, ezustekoak, malkoak, erreakzioak… Gozatu egiten dugu zuentzat xehetasun berezi horiek harrapatzen.

Bideo labur batek azkar harrapatzen du arreta sare sozialetan. Produktu edo zerbitzu bat modu eraginkorrean sustatzeko aproposa da, eta bideoen etengabeko jarioak zure enpresak edo proiektuak behar duen ikusgarritasuna ematen dizu.

Lehen inpresioak garrantzia du, eta asko. Lehen segundoak irudi ona emateko aprobetxatzeak bezero bat lortzearen eta ez lortzearen arteko aldea egin dezake. Gainera, antzeko edukia duten hainbat bertsio egon daitezke, behar bakoitzera egokituta.

Kamera nagusiek lortzen ez dituzten xehetasun horiek «harrapatzea». Denek begiratzen dutenaren kontrako aldera begiratzea. Jendeak gertatzen denaren aurrean duen erreakzioa jasotzea. Ezkontza batean inork begiratzen ez dion kamera.

Kontzertuen grabaketa pistaka, soinu-teknikaria filmaketetarako, esataritza, bikoizketa eta podcast eta bideopodcasten ekoizpen osoa.

Zure VHS eta VHS-C zintak jaso, maitasunez digitalizatu eta itzuli egiten dizkizugu, zure oroitzapenak salbu MP4n, USBan edo DVDan.