JAC Electric Jaime Albarelloren proiektua da, eta aurkezteko hiru abesti grabatu nahi zituen Musiki Navarra estudioan, ideia oso argi batekin: segidan jotakoak ziruditela, kamera batzuekin filmatutako zuzeneko bat bezala.

Estudioan, Jaime ahotsean eta gitarran, Richi Salaberría baxuan eta Iván Larreboure baterian.

Dena zuzenean, pasez pase

Hemen ez zegoen playbackik. Pase bakoitzean audioa eta bideoa zuzenean grabatzen ziren, klaketarekin, tempoa presa batetik bestera mugi ez zedin. Hori da gakoa: erritmoa pase guztietan berdina bada, gero batetik bestera salto egin dezakezu nabaritu gabe.

Hiru kamerak erabili genituen pase bakoitzean, beraz, saioaren amaieran hamabi presa baino gehiago genituen sinkronizatzeko. Kameretako bat beti eskuan joan zen, musikarien artean mugituz, horrelako talde batek eskatzen duen kutsu gamberro hori emateko. Beste biek, geldiago, plano orokorra eta xehetasunak jasotzen zituzten.

Muntaketa

Hamabi presa eta presa bakoitzeko hiru angelu izanda, muntaketa ia puzzle bat da: une bakoitzean interpretaziorik onena eta planorik onena aukeratu, eta dena soinuarekin bat etortzea. Emaitzak zuzeneko bakar bat dirudi, baina pase bakoitzeko onena du. Kontzertu klasikoetan erabiltzen dugun teknika bera da, Iñaki Bermúdez eta OSPArena bezala, rockera eramanda.

Bideoaz gain, saioko argazkiak egin genituen: musikariak jotzen, kontrol-gela eta sofako tarte horiek, disko bat grabatzearen parte ere badirenak.